478
REGISTRES DU BUREAU
[i564]
voir, lesd, jaulgeurs, jaugé et mesuré led. muy de fuslaille de toutes pars, et ont trouvé que led. muy dc fustaille contient trente six septiers de vin sur mere, qui seroit pour lye et vin trente sept septiers, lesd, xxxvi septiers de vin revenans à deux cens quatre vingtz huict pintes de vin, ainsi que lesd, jaulgeurs l'ont certiffié el affermé, comme dict est, qui est le vray eslallon du muy et mesure de lad. Ville. Et pareillement avons faict mesurer et estal-lonner lad. pinte justement, laquelle nous avons faict merquer de la fleur de lys couronnée au costé droict, et l'avons faict envelopper de pappier, et avons faict mectre ung cachet que nous avons ca­cheté du seau et cachet de lad. Ville, ne varietur; et avons faict merquer led. muy aux deux fons et sur la douve près du bondon, et tout ce certiffions estre vray. En tesmoing de ce nous avons mis à ces presentes le scel de lad. Prevosté des Mar-
chans. Ce fut faict le xvme jour de Novembre, l'an mil vc Ixiiii."
Au jour d'huy, sur ce que Claude Delorme, ser­gent de lad. Ville, a remonstré que, faisant la visi­tation des mesures de son quartier, suivant l'or­donnance, il a trouvé en la cave de Jehan Boyt, demourant rue [des] Marmousetz, deux choppines couvertes deffectueuses, et après que. lesd, choppines ont esté estalonnées cn nostre presence, qui ne se sont trouvées de la mesure portée par l'ordonnance, avons declairées lesd, mesures acquises et confis­quées au Roy et lad. Ville, et neantmoings ordonné qu'elles seront rompues, el.deffences aud. Boyt de user plus de telles mesures deffectueuses, sur peine de admende arbitraire, et condemné led. Boyt en huict solz parisis d'amende, applicable aux fraiz dud. Delorme.
DCLXXX1V. — [Ordonnance du mareschal de Montmorency
POUR LA L1RRE ENTREE DES MARCHANDISES VENANS DE LïON.] i" décembre 1564. (H 1784, fol. 280 r°.)
De PAR MONSEIGNEUR LE MARESCHAL DE MONTMORENCY,
Gouverneur et Lieutenant general pour le Rov à Paris et en l'Isle de France.
«Il est ordonné que, d'aultant que le grand dan­ger de la peste est cessé en la ville de Lyon, et que la plus part des marchans y sont retournez habiter et exercer leurs marchandises accoustumées, les def­fences faictes de ne laisser enlrer les marchandises venans dud. Lyon en ceste Ville, sans premierement les faire esventer au chasteau de Bixestre, seront levées; et est permis à tous marchans de trafficquer, exercer librement leurs commerces et marchandises, comme auparavant lesd, deffences.
"Et si est enjoinct aux Prevost des Marchans et Eschevins de cested. Ville de faire oster du village de Juvisy, Villeneufve-Sainct-Georges et autres les ataches qui y ont esté mises, contenant lesd, def­fences, ensemble de faire crier et publier, ceste presente ordonnance et permission à son de trompe par cested. Ville et autres lieux où ilz verront en estre besoing.
"Faict à Paris, le premier jour de Decembre 1566.»
Signé : de Montmorency.
Et au dessoubz : de Falaize.
DCLXXXV. — Le pont de Meaulx. — Ordonnance et cry pour les glaces (''
1" décembre 1564. (It 1784, fol. 281 r°.)
Du vendredy, premier jour de Decembre mil cinq cens soixante quatre.
Au jour d'huy, est comparu maistre Gabriel Le Sueur, .conseiller au siege presidial de Meaulx, le-
(•) D'après un contemporain (Claude Haton, dans ses Mémoires, t. I, p. 392), "la gelée, qui commença dès la nuict d'entre la vi­gille et jour S1 Thomas et continua sans cesser jusques au dernier jour de decembre inclusivement, fut si forte que la glace estoit si espesse es rivieres qu'elle soustenoit ung homme sans rompre ni se casser soubz luy». Selon toute vraisemblance, l'ordonnance ci­dessus fut rendue par l'Echevinage en prévision de l'écroulement du pont au Change, dont deux piliers menaçaient ruine. Le péril imminent avait été signalé, le 1" décembre, par le Lieutenant criminel et le substitut du Procureur du Roi au Châtelet; après visite faite le 2 décembre, le passage du pont fut interdit et des barrières furent placées aux deux extrémités. (Archives nationales, Par­lement de Paris, X'° 1611, fol. 60 v°, 64 v°.) Le 29 décembre, au dire des Prévôt des Marchands et Échevins, tout danger était conjuré.